اشهي الماكولات

نقدم لكم اليوم طبق كشري
المكونات:
ارز ,, مكرونة ,, شعيرية ,,عدس . بصل ،، لحمة مفرومة او خضار
طريقة العمل
تسلق الارز والمكرون والعدس والشعرية كل واحد يتسلق علي حدي
البصل يقطع شرائح رقيقة ويحمر في شكل زهبي
اللحمة المفرومة توضع علي النار في زيت وتقلب ثم تطفي ويوضع عليها البهارات الملح والفلفل والكسبرة والتوم والشطة لمن يرغبها وتضاف صلصة
نوضع المسلوقات وتخلط مع بعض*ويوضع البصل فوقها ثم توضع اللحمة لذيذ شديد وكل واحد يجيب ملعقة معاهو اتفضلوا
وبالهناء والشفاء

ملاح التقلية (ويكة حمرة)
اول حاجة لمن تكون عايز تطبخ تحضر حاجات الطبخ كلها قدامك وتبدأ بالبصل في ناس تعمل التقلية بالبصل الجاف ودي ما صاح لازم يكون البصل فريش وتغسل البصل وتضع الحلة في النار وتكب فيها زيت طبخ وتضع البصل وتقلبوا لحدي ما لونو يبقي اصفر وبعد ذلك تضع اللحمة المفرومة او (شرموط) وتقلبو مع البصل بعد كده تطفيهوا بي مويةوتضع البهارات (ملح .. وكسبرة ) وبعد تنضج البصلة تدوبها طبعا في ناس تخلطها نضع الصلصة وبعد تنضج نضع الويكة المسحونه ونحرك عشان ما تكون كردم وبعد تنضج نضع عليها شوية فلفل وتوم (وكل شيخ وليهو طريقة)