كنت معاي مع انك مافي!!
وكان الشوق في الكرسي الفاضي
وطعم الحته حزين ولون القلب بنفسج
كانوا جميعا بسألو عنك وين البت اشجار الصندل؟
وين منقايه الروح وثمار المشتل؟
وانتي لانك كنت ..ومافي
كان الشاي بس فاقد سكر!!
فيهو حليب بس فاقد الابيض وكنت بفكر
كم حتمسي وانتي غياب!!وهل حتصبح دونك تاني؟؟
الخطوات جابتني للحته الكنا..وكان
وقعدت براي
صوتك كان بيغني بقربي
وانا مشروق وفي حلقي حنين
والذكري مدينه وكم مشوار منديل منتظرك
وباقي دموع في الكرسي الفاضي
بس فضل طعمك في الايام
الهل حتمسي وانتي غياب؟
وهل حتصبح دونك تاني؟